მიზანი: გურიის რეგიონში კლიმატის ცვლილების შერბილებისა და მასთან ადაპტაციის ხელშეწყობა. უფრო კონკრეტულად იდენტიფიცირებული პრობლემის - შავ ზღვაში ჩამავალი მდინარე სუფსის აუზის დაბინძურების რისკების შეფასება და პრევენციული მექანიზმების დანერგვა მოქალაქეთა ჩართულობისა და ცნობიერების ამაღლების გზით.

შედეგები: ოზურგეთის და ლანჩხუთის მუნიციპალიტეტებში იდენტიფიცირდა ქაოტური ნაგავსაყრელები; მდინარის სანაპიროებზე განთავსდა საინფორმაციო ბანერები; ჩატარდა სოციალური მედიაკამპანია „გადაიღე სუფსა“; მომზადდა ვიდეორგოლი და სხვა საცნობარო მასალები; შემუშავდა რეკომენდაციები; ჩატარდა შემაჯამებელი ფორუმი ადგილობრივი ხელისუფლების, არასამთავრობო სექტორის, დარგის სპეციალისტების, მედიისა და პროექტის ბენეფიციარების მონაწილეობით.

პროექტის მიზანი: ოზურგეთის მუნიციპალიტეტში მცხოვრებ სხვადასხვა ეროვნების წარმომადგენელ ქალთა (აჭარის მაღალმთიანი რეგიონიდან ჩამოსახლებული ეკომიგრანტების, რეპატრიანტი მუსლიმი მესხი ქალების, სომხური თემისა და ქართულ-პოლონური დიასპორის წარმომადგენელი ქალების) ეკონომიკური განვითარების კუთხით არსებული საჭიროებების გამოკვლევა, მათი ეკონომიკური გაძლიერებისა და სამოქალაქო ინტეგრაციის ხელშეწყობა.

შედეგები: გაფორმდა ურთიერთთანამშრომლობის მემორანდუმი ოზურგეთის მუნიციპალიტეტთან; ქალთა ეკონომიკური საჭიროებების შესახებ მომზადდა კვლევა, საინფორმაციო სტატიები და ვიდეოისტორიები; ჩატარდა ტრენინგები ბენეფიციართა მონაწილეობით, შეიქმნა ეკონომიკურ საქმიანობაში სხვადასხვა ფორმით ჩართულ ქალთა ელექტრონული ბაზა და დახურული ფეისბუქჯგუფი, სადაც ხდება ინფორმაციის განახლება და გაცვლა.

მიზანი: გურიის ტურისტული ბრენდის შექმნის ხელშეწყობა.

შედეგად: გაფორმდა მემორანდუმები გურიის მხარის მუნიციპალუტეტებთან; ჩატარდა ტურისტული (ონლაინ) ფესტივალი, ქართველი და პოლონელი შემოქმედებითი ფოლკლორული ჯგუფებისა და კულინარების მონაწილეობით; განხორციელდა სამუშაო ვიზიტები; ექსპერტების ჩართულობით შემუშავდა ტურისტული ბრენდის კონცეფცია; მომზადდა ტურისტული ფილმი, ჩატარდა ტრენინგები ტურიზმის სფეროს წარმომადგენლებისთვის.